ٹھٹھہ(نامہ نگار) چیف جسٹس سندھ ہائی کورٹ احمد علی شیخ ایک روزہ دورے پر پیر کے دن ٹھٹھہ پہنچ رہے ہیں۔ چیف جسٹس ٹھٹھہ میں جوڈیشل اکیڈمی کی تعمیر ہونیوالی عمارت کا سنگ بنیاد رکھیں گے، ان کے ہمراہ ڈائرکٹر جنرل جوڈیشل اکیڈمی جسٹس عارف خلجی بھی ہونگے، چیف جسٹس بعد ازاں مکلی میں واقع مشہور بزرگان عبداللہ شاہ اصحابی اور مخدوم محمد ہاشم ٹھٹھوی کی مزار پر حاضری دیں گے۔ چیف جسٹس مشہور محقق پیر حسام الدین راشدی اور تحریک آزادی کے رہنما شیخ عبدالمجید سندھی کے مزارات پر فاتحہ خوانی کریں گے جس کے بعد ڈسٹرکٹ کورٹ میں جج صاحبان کے اجلاس کی صدارت کے بعد ڈسٹرکٹ بار سے خطاب اور اپنے اعزاز میں دئیے گئے ظہرانہ میں شرکت کریں گے۔ دریں اثنا ڈسٹرکٹ سیشن جج عبدالنعیم میمن نے جڈیشل اکیڈمی کے لیے مختص پلاٹ کا معائنہ کیا اور افسران کو ہدایات دیں اس موقع پر ڈپٹی کمشنر ٹھٹھہ مرزا ناصر بیگ بھی موجود تھے۔
فرمان الہی
نماز کے اوقات
