فرمان الہی
نماز کے اوقات
چیف آف ایئر اسٹاف انٹرنیشنل ویمن اسکواش چیمپئن شپ کا فائنل کل ہانگ کانگ اور ملائیشیا کی کھلاڑیوں کے درمیان کھیلا جائے گا۔
پاکستان اوپن مینز اسکواش میں سیمی فائنل کی لائن اپ مکمل ہوگئی، مصحف اسکواش کمپلیکس اسلام آباد میں جاری ویمن اسکواش چیمپئن شپ کے پہلے سیمی فائنل میں ملائیشیا کی سبرامین یم شوا سنگری نے آسٹریلین پلیئر رچل گنہم کو 0 ۔ 3 سے شکست دی۔
دوسرے سیمی فائنل میں ٹاپ سیڈ ہانگ کانگ کی اینی آؤ نے مصر کی رومان کو دلچسپ مقابلے کے بعد تین دو کے اسکور سے ہرایا، سبرا مینیم اور اینی آؤ کے درمیان فائنل کل کھیلا جائے گا ۔
دوسری جانب پاکستان اوپن اسکواش چیمپئن شپ کی سیمی فائنل لائن اپ مکمل ہوگئی ، مصر کے تین کھلاڑیوں نے آخری چار پلیئرز میں جگہ بنائی ۔ ان میں ٹاپ سیڈ مروان الشور بیگی ، زاہد محمد اور محمد ابو یلغیر شامل ہیں ، ہانگ کانگ کے لیو آؤ بھی سیمی فائنل میں پہنچنے والوں میں شامل ہیں۔
