کراچی (جنگ نیوز) پاکستان اوپن ا سکواش چیمپئن شپ اور چیف آف دی ائیر اسٹاف وویمن انٹرنیشنل اسکواش چیمپئن شپ کے سیمی فائنل اور فائنل مقابلے جمعہ اور ہفتے کو پاکستان کے پہلے نجی اسپورٹس چینل ”جیوسوپر“ سے براہ راست نشر کئے جائیں گے۔ پاکستان ا سکواش فیڈریشن کی میزبانی میں 17 ستمبر سے شروع ہونے والا ایونٹ 23دسمبر تک جاری رہے گا جس میں پاکستان کے علاوہ دیگر ممالک کے 48 بہترین کھلاڑی حصہ لے رہے ہیں۔ مردوں کی چیمپئن شپ میں مصر کے مروان الشوربیگی جبکہ ہانگ کانگ کی اینی او کو وویمن چیمپئن شپ میں ٹاپ سیڈ رکھا گیا ہے۔ مقابلوں کے کوالیفائنگ راؤنڈ مصحف اسکواش کمپلیکس اسلام آباد میں کھیلے گئے۔ اب اِن مقابلوں کے سیمی فائنل اور فائنل میچ جمعہ اور ہفتے کو کھیلے جائیں گے۔ پہلا سیمی فائنل(مین) جمعہ کو دوپہر ڈھائی بجے، دوسرا سیمی فائنل (مین) دوپہر ساڑھے 3 بجے جبکہ وومن چیمپئن شپ کا فائنل میچ شام 5 بجے اسلام آباد سے براہ راست نشر کیا جائے گا۔ مردوں کی چیمپئن شپ کا فائنل میچ 23دسمبر ہفتے کو دوپہر 4 بجے براہ راست نشر کیا جائے گا۔ واضح رہے پاکستان اوپن ا سکواش چیمپئن شپ جوکہ اسکواش سرکٹ میں 10 برس بعد واپس آئی ہے میں 50 ہزار ڈالرز انعامی رقم رکھی گئی ہے۔ سی اے ایس وویمن انٹرنیشنل ا سکواش چیمپئن شپ میں 25 ہزار ڈالرز انعامی رقم ہے جس میں ٹاپ رینکنگ خواتین اسکواش پلئیرز حصہ لے رہی ہیں۔
فرمان الہی
نماز کے اوقات
