سکھر (بیورو رپورٹ) شکارپور کے علاقے گڑھی یاسین کے رہائشی میاں بیوی نے بیٹی کی بازیابی کیلئے سکھر پریس کلب کے سامنے احتجاجی مظاہرہ کیا۔ مظاہرے میں شامل گل بہار ودیگر نے الزام عائد کیا کہ 5سال قبل ملزمان نے ہماری بیٹی اقراء کو اغوا کرلیا تھا، جسے آج تک بازیاب نہیں کرایا جاسکا ہے، ہماری پولیس کے بالا حکام سے اپیل ہے کہ بیٹی کو بازیاب کراکر انصاف و تحفظ فراہم کیا جائے۔ دریں اثناشکارپور کے رہائشی جتوئی برادری کے افراد نے ملزمان کی گرفتاری کیلئے سکھر پریس کلب کے سامنے احتجاجی مظاہرہ کیا۔ مظاہرے میں شامل رشید ہ، راہب، سہراب و دیگر نے الزام عائد کیا کہ ملزمان نے 4ماہ قبل رشید ہ کی بیٹی عابدہ کو رشتے کے تنازع پر قتل کردیا تھا، پولیس ملزمان کو گرفتار نہیں کررہی ہے۔
فرمان الہی
نماز کے اوقات
