ملتان (سٹاف رپورٹر) پیپلزپارٹی کے ڈویژنل سیکرٹری انفارمیشن ایم سلیم راجہ کے آفس میں شہید بے نظیر بھٹو کی برسی کے سلسلے میں کینڈل لائٹ تقریب ہوئی ، اس موقع پر رئیس الدین قریشی ، خلیل راں ، شگفتہ حبیب ، ایوب انصاری ، سلیم شہزاد ، ملک رمضان کھرل ، ضیاء انصاری ، ملک عمران ،جاوید سمرا ، اکبرعاربی ،اسلم بھٹی بھی موجود تھے،دریں اثنا شہید بے نظیر بھٹو کی 10ویں سالانہ برسی میں شرکت کے لئے جیالوں کے قافلے چل پڑے، ملتان سے بذریعہ ٹرین کارکنوں کا پائلٹ قافلہ روانہ ہو گیا،ریلوے سٹیشن پر جیالوں نے شہید بھٹو، بے نظیر، بلاول بھٹو کے حق میں نعرے باز ی کی، قافلے کی قیادت سٹی صدر ملک نسیم لابر کررہے تھے ، قافلہ کوخواجہ رضوان عالم نے روانہ کیا ، اس موقع پر راؤ ساجد ، مرزانذیر بیگ ، ملک بشیر ، ایم سلیم راجہ ، سلیم شہزاد ، خواجہ عمران ودیگر بھی موجود تھے ،روانگی سے قبل جیالوں نے ریلوے انتظامیہ اور حکومت کے خلاف مظاہرہ کیا ،ان کا کہنا تھاکہ سیکڑوں کارکنوں کو سیٹیں نہیں دی گئیں، دریں اثناء آج بھی قافلےگڑھی خدابخش لاڑکانہ کے لئے بذریعہ ٹرین روانہ ہو ں گے۔دریں اثناءپیپلز پارٹی تحصیل ملتان کے صدر میاں محمد عرفان شفیع، جنرل سیکرٹری ملک رضوان مہے کی قیادت میں کارکنوں کا قافلہ آج بذریعہ ٹرین گڑھی خدا بخش لاڑکانہ کے لئے روانہ ہو گا ۔ پیپلزپارٹی انسانی حقوق ونگ جنوبی پنجاب کے سابق صدر سلیم الرحمنٰ میئو کے مطابق آج شام پانچ بجے چوک ڈبل پھاٹک پر شہید بے نظیر بھٹو کی برسی کے موقع پر شمعیں روشن کی جائیں گی جبکہ کل 27 دسمبر کو ان کی رہائش گاہ محلہ نظام آباد میں قرآن خوانی بھی ہوگی۔
فرمان الہی
نماز کے اوقات
