لاہور (اپنے نامہ نگار سے) پیپلز پارٹی لاہور کے صدر عزیز الرحمن چن نے کہا ہے کہ بے نظیر بھٹو شہید کی برسی پر آج جیالے تاریخی نذرانہ عقیدت پیش کریں گے۔ تقریب میں لاہوریوں کی بھرپور نمائندگی بی بی شہید سے دلی عقیدت کا منہ بولتا ثبوت ہے ۔ ایک بیان میں انہوں نے کہا کہ شہید بے نظیر بھٹو ایک سوچ‘ فکر اور نظریہ کا نام ہے۔ انہوں نے ہمیشہ آمروں کی آنکھوں میں آنکھیں ڈال کر اور سیسہ پلائی ہوئی دیوار بن کر انہیں للکارا اور کبھی ان کے آگے سر نہیں جھکایا انہوں نے عوام کی خاطر جان کا نذرانہ پیش کر کے جمہوریت کو دوام بخشا‘ جیالے اپنی شہید قائد کا مشن جاری رکھیں گے۔ پیپلز پارٹی کی قیادت نے جمہوریت کے خلاف ہونے والی ہر سازش کو بے نقاب کیا ۔
فرمان الہی
نماز کے اوقات
