برمنگھم (پ ر)امیر جماعت اسلامی پاکستان سینیٹر سراج الحق 29دسمبر کو سپارک بروک اسلامک سینٹر میں جمعہ کے اجتماع سےخطاب کریں گے ۔بعدازاں وہ پاکستان کی صورت حال اور آئندہ الیکشن میں جماعت کی حکمت عملی پر پریس کانفرنس سے بھی خطاب کریں گے،وہ پاکستان رابطہ کونسل اور کمیونٹی کے سرکردہ رہنمائوں کے ساتھ ملاقاتیں کریں گے اورپاکستان رابطہ کونسل برمنگھم کی جانب سے ان کے اعزاز میں استقبالیہ تقریب میں شرکت کے بعد وہ مانچسٹر روانہ ہوجائیں گے جہاں وہ پاکستان رابطہ کونسل نارتھ زون کے استقبالیہ سے خطاب کریں گے ۔ برمنگھم آمد پر ان کا زبردست استقبال کیا جائے گا،اس سلسلے میں پاکستان رابطہ کونسل برمنگھم کے چیئرمین سید مشتاق شاہ کی زیر صدارت ایک اجلاس میں امیر جماعت اسلامی کے استقبال کیلئے مختلف امور پر غورکیا گیا۔مشتاق شاہ نے کہا کہ سراج الحق پاکستان کے عظیم لیڈر ہیں۔ انہوں کرپشن کے خلاف بھرپور مہم شروع کر رکھی ہے ان کے اس دورے سے برطانیہ میں پاکستانی کمیونٹی کی حوصلہ افزائی ہوگی۔اجلاس میں مفتی فاروق علوی ،جاوید خان ،حاجی سجاول، مشتاق خان، ارشد خان،قاری محمد صدیق، مدثر بصیر اور دیگر رہنمائوں نے بھی شرکت کی۔ اجلاس میں فیصلہ کیا گیا کہ 6جنوری کو تحریک تحفظ بیت المقدس کے زیر اہتمام لندن میںامریکن سفارت خانے کے سامنے ہونے والے احتجاجی مظاہرے میں بھر پور شرکت کی جائے گی ۔
فرمان الہی
نماز کے اوقات
