پشاور(خبرنگار)پیپلزڈاکٹرفورم کے زیراہتمام پشاور پریس کلب میں شہیدمحترمہ بے نظیربھٹوکی برسی کے حوالے سے سیمینا ر ہوا جس میں سینیٹرروبینہ خالد،پیپلزپارٹی خواتین ونگ کی صوبائی صدرنگہت اورکزئی ،سیدایوب شاہ ،پیپلزڈاکٹرفورم کے ڈاکٹرنیازخان اور دیگر نے شرکت کی ۔سیمینارکے شرکاء نےشہید محترمہ بے نظیربھٹوکی ملک وقوم کےلئے قربانیوں پرخراج عقیدت پیش کیا۔سینیٹرروبینہ خالدنے کہاکہ شہیدمحترمہ بے نظیربھٹوکی ساری زندگی جمہوریت، آزادی اظہاررائے اورغریب عوام کے حقوق کیلئے جدوجہدسے عبارت ہے،نگہت اورکزئی نے کہاکہ شہیدمحترمہ بے نظیربھٹونہ صرف پاکستان کی بلکہ ایک عالمی رہنماتھی جس کی پوری زندگی کامقصدملک کومضبوط ،خوشحال ترقی یافتہ ملک بناناتھا،جہاں پر ہرفرد کے پاس روٹی، کپڑا،مکان کے ساتھ ساتھ عوام خوشحالی کے ساتھ زندگی بسرکرسکے ۔سید ایوب شاہ اوردیگر نے کہا کہ آج ملک میں جمہوریت پیپلزپارٹی کی قربانیوں کی مرہون منت ہے انہوں نے کہا کہ 27 دسمبر تجدید عہد کا دن ہے ۔
فرمان الہی
نماز کے اوقات
