فرمان الہی
نماز کے اوقات
کتابوں کے شوقین اور مطالعہ سے دلچسپی رکھنے والوں کے لیے دلچسپ خبر یہ ہےکہ ملتان میں ’گریسن پبلک لائبری‘ آئندہ چند روز میں عوام کے لیے کھول دی جائے گی۔
لائبریر ی کی خاص بات یہ ہے کہ اس میں خواتین کے لیے علیحدہ سیکشن ہے، بچوں کے لیے سائنس میوزیم اور کھیل کا سیکشن ، اسپیشل افراد کا سیکشن ۔ صرف اتنا ہی نہیں بلکہ اُن مائوں کی بھی حوصلہ افزائی کچھ اس طرح کی گئی ہے کہ مائیں اپنے بچوں کو یہاں بنے ڈے کئیر سینٹر میں چھوڑکر اپنا کتب بینی کا شوق پورا کرسکتی ہیں۔
مزید یہ کہ آپ کواگر مطالعہ کرنے کے بعد بھوک کا احساس ہو تو یہاں کیفے ٹیریا بھی بنا یا گیا ہے۔
ایک اندازے کے مطابق یہاں لگ بھگ 2 لاکھ سے زائد مختلف موضوعات پر کتا بیں رکھی گئی ہیں۔
اگر کہا جائے کہ یہ پاکستان کی بڑی لائبریریز میں سے ایک ہے تو غلط نہیں ہوگا۔اگر آپ کو اس لائبریری کی ممبر شپ حاصل کرنی ہے تو 500 روپےماہانہ میں حاصل کی جاسکتی ہے۔
