راولپنڈی (سٹاف رپورٹر)راولپنڈی کے مختلف علاقوں میں ڈکیتی ،چوری اورنقب زنی کی وارداتوں میں شہری 5گاڑیوں ،2موٹرسائیکلوں ،طلائی زیورات اورنقدی وغیرہ سے محروم ہوگئے۔تھانہ صادق آبادکے علاقہ میں پاسپورٹ آفس کے قریب سے عابد محمود کی گاڑی سوزوکی مہران کار نمبر جے ایچ-267،تھانہ سٹی کے علاقہ اقبال روڈسے عاصم شہزاد کاکیری ڈبہ نمبر اے اے-195،تھانہ ویسٹریج کے علاقہ رافع مال کے سامنےسے عبدالصمدخان کی کار نمبرایل بی-105، تھانہ ویسٹریج کے علاقہ ریس کورس روڈسے عرفان اللہ کی کرولاالٹس کار نمبراے اے ایف 818،تھانہ ریس کورس کے علاقہ افشاں کالونی سےطاہر بشیر کی موٹرسائیکل نمبرآرآئی آر-3229، تھانہ سٹی کے علاقہ کالج روڈسے شہزاد چیمہ کی موٹرسائیکل ہنڈا 125 نمبر ایل ای ایل -8131،چوری ہوگئی۔ تھانہ ائرپورٹ کو زوہیب افضل نے بتایاکہ میرے گھر کے دروازے توڑ کر نامعلوم چور 2لاکھ 25ہزاروپے،طلائی زیورات،انعامی بانڈز چوری کرکے لے گئے۔تھانہ جاتلی کوجہانزیب حیدر نے بتایا کہ مرزا محمد آصف کا کیری ڈبہ نمبراسلام آباد بی وی408رینٹ پر چلاتا ہوں گذشتہ روز ڈھڈیال اڈا پر کھڑا تھا کہ پونے دوبجے دن ایک آدمی جو بولی سے پٹھان معلوم ہوتا تھا میری گاڑی بک کی میں اسے لیکر پنجگراں گاؤں پہنچا تو تالاب کے قریب 2 پٹھان کھڑے تھے ان کو بھی میرے ساتھ بیٹھے ہو ئے شخص نے گاڑی میں بٹھا لیا گاڑی میں بیٹھتے ہی دونوں نے پسٹل نکال کر مجھے جان سے مارنے کی دھمکی دی اور ایک کپڑاسے میرا منہ باندھ کر پچھلی سیٹ پر زبردستی بٹھا لیا جس شخص نے گاڑی بک کی تھی گاڑی چلانے لگا پنجگراں سے کچھ فاصلہ پر ایک کچا راستہ جو سود کو جاتا ہے اس پر گاڑی لے جا کر کپڑے سے میرے بازو اور ٹانگیں باندھ کر تینوں نے مجھے اٹھا کرتھوڑے دور لیجا کرپھینک دیا تینوں مجھ سے زبردستی اسلحہ کی نوک پر میری گاڑی ، موبائل فون اور 8ہزارروپے چھین کر لے گئے ۔تھانہ صادق آبادنے محمد حفیظ کی رپورٹ پر ساجد اقبال کے خلاف 10 چیک مالیتی 70 لاکھ روپے ،تھانہ سول لائن نے چودھری نعمان شوکت کی رپورٹ پرمحمد عمران کے خلاف ایک چیک مالیتی22لاکھ روپے ڈس آنرہونے پرمقدمات درج کرلئے۔
فرمان الہی
نماز کے اوقات
