کراچی ( نصر اقبال/ اسٹاف رپورٹر) پاکستان باسکٹ بال فیڈریشن کے صدر بریگیڈیئر (ر) افتخار منصور نے کہا ہے کہ باسکٹ بال میں ایشیائی درجہ بندی میں بہتری ان کی اولین تر جیح ہے۔وہ اپنا عہدہ سنبھالنے کے بعد جنگ سے بات چیت کررہے تھے، انہوں نے کہا کہ ملک بھر میں اس کھیل کی سرگر میوں میں اضافہ کیا جائے گا، ہر ایسوسی ایشن کو اپنے شہروں میں ایونٹ کے انعقاد اور نئے کھلاڑیوں کو گروم کرنے کا ہدف دیا جائے گا، ہماری کوشش ہوگی کہ اداروں کی ٹیموں کو بحال کرایا جائے ، کھلاڑیوں کی ملازمت کے لئے ہر ممکن اقدامات کریں گے۔ انہوں نے بتایا کہ وہ 5فروری سے سندھ کا دورہ کرینگے۔ ایگزیگٹیو بورڈ میں ریلوے ،پولیس ،حیدرآباد ڈویژن ،بلوچستان کو نمائندگی دی ، ریفریز بورڈ میں سراج قریشی ، یعقوب قادری ، طارق نواز ، آصف اقبال ،ڈاکٹر عوج ظہور ، منصور عالم کو شامل کیا گیا ہے۔
فرمان الہی
نماز کے اوقات
