لاہور(نمائندہ جنگ)لاہور ہائیکورٹ نے نواز شریف اور مریم نواز کیخلاف عدلیہ مخالف تقاریر کی درخواست پر نوٹس جاری کر دیئے ، جسٹس شاہد کریم نے آمنہ ملک کی درخواست پر سماعت کی جس میں سابق وزیر اعظم اور ان کی بیٹی کی پشاور اور آزاد کشمیر میں عدلیہ مخالف تقاریر کی نشاندہی کی گئی ہے جس میں وفاق اور پیمرا کو بھی فریق بنایا گیا ، درخواستگزار نے موقف اختیار کیا کہ نواز شریف اور مریم نواز مسلسل اعلٰی عدلیہ پر تنقید کر رہے ہیں،پہلے خیبر پختونخوا اور پھر آزاد کشمیر جلسوں میں عدلیہ کی توہین کی گئی ، پاناما کیس فیصلے کے بعد سپریم کورٹ کے فل بنچ کو مسلسل تنقید کا نشانہ بنایا جا رہا ہےاور پیمرا بھی ان کے بیانات کو نشر کرنے سے روکنے میں مکمل طور پر ناکام ہو چکی ہےلہذا عدلیہ مخالف تقاریر پر نواز شریف اور مریم نواز کیخلاف توہین عدالت کی کارروائی کرتے ہوئے نشریات نہ روکنے پر پیمرا کے خلاف بھی کارروائی کی جائے، درخواست پر مزید سماعت 14 فروری کو ہو گی ۔
فرمان الہی
نماز کے اوقات
