کراچی(اسٹاف رپورٹر) ہاکی کلب آف پاکستان میں ہونے والے آل پاکستان چیف آف نیول اسٹاف ہاکی ٹورنامنٹ میں سوئی سدرن گیس نے پاکستان آرمی، نیوی نے پورٹ قاسم اور پی آئی اے نے پاکستان کسٹمز کو شکست دے دی۔ نیشنل بینک ،پی آئی اے ،پاکستان نیوی اور سوئی گیس نے سیمی فائنل میں جگہ بنالی۔ پیر کو پہلے میچ میں سوئی سدرن گیس نے کاشف شاہ اور علی شان کے گولز کی بدولت پاکستان آرمی کو 2-0سے شکست دے دی۔ دوسرے میچ میں پاکستان نیوی نے پورٹ قاسم کو 5-1سے مات دی ۔فاتح ٹیم کی جانب سے محمد صابر نے ہیٹ ٹرک مکمل کی۔ جبکہ کامران اور ایم آصف نے ایک ایک گول کیا۔ پورٹ قاسم کا واحد گول اویس نے اسکور کیا۔ تیسرے میچ میں پی آئی اے نے کسٹمز کو 7-0سے نشان عبرت بنادیا۔ پی آئی اے کی جانب سے محمد عرفان اور رانا سہیل نے دو، دو ،وسیم اکرم ،عامر شہزاد ،محمد زبیر اور عمران عباس نے ایک ایک گول اسکور کیا ۔ کسٹمز نے پنالٹی اسٹروک بھی ضائع کیا ۔
فرمان الہی
نماز کے اوقات
