پشاور(سٹی رپورٹر) ضلع ناظم نے بین الصوبائی ہاکی ٹورنامنٹ کی فاتح ٹیم میں کھیلوں کا سامان تقسیم کردیا ۔ضلع ناظم عاصم خان نے گزشتہ روز ایک تقریب جس میں ہاکی مقابلے میں ہائر سیکنڈر ی سکول چمکنی کی فاتح ٹیم کے کھلاڑیوں ،ڈسٹرکٹ سپورٹس آفیسر جمشید بلوچ ‘ ڈسٹرکٹ سپورٹس کمیٹی کے چیئرمین مینا خان آفریدی ‘ ضلع کونسلر خالد وقاص چمکنی ‘ سپورٹس کمیٹی کے ممبروسیم اکرم ‘ سکول پرنسپل کرامت اللہ نے شرکت کی ۔ اس موقع پر ضلع ناظم نے کہا کہ ہاکی کی ترقی کیلئے ضلعی حکومت تمام وسائل بروئے کار لارہی ہے ، اس مقصد کیلئے رمضان المبارک میں پشاور کی تاریخ میں پہلی مرتبہ ضلعی حکومت نے فلڈ لائٹ ہاکی ٹورنامنٹ منعقد کیاتھا رواں برس بھی ماہ رمضان میں فلڈ لائٹ ہاکی ٹورنامنٹ کا انعقادکیا جائیگا‘ ضلع ناظم نے کھلاڑیو ں میں ہاکی کا سامان تقسیم کیا ۔
فرمان الہی
نماز کے اوقات
