اسلام آباد (نمائندہ جنگ ) پاکستان اسکواش فیڈریشن نے کامن ویلتھ گیمز اور ایشین ٹیم چیمپئن شپ کیلئے قومی ٹیم کا اعلان کر دیا، کامن ویلتھ گیمز کے اسکواڈ میں شامل ماریہ طور نے ایشین ٹیم ایونٹ میں شرکت سے انکار کر دیا۔ کامن ویلتھ گیمز 4اپریل سے آسٹریلیا اور ایشین ٹیم اسکواش چیمپئن شپ 21مارچ سے کوریا میں کھیلی جانی ہے ۔ کامن ویلتھ گیمز کیلئے چار رکنی ٹیم میں فرحان زمان، طیب اسلم، ماریہ طور اور مدینہ ظفر جبکہ کوریا میں کھیلی جانیوالی ایشین ٹیم اسکواش چیمپئن شپ کیلئے بھی 8رکنی ٹیم میں فرحان زمان، طیب اسلم، عماد فرید، عاصم خان ، مدینہ ظفر، سعدیہ گل، فائزہ ظفر، رفعت خان شامل ہیں۔ ذرائع کا کہنا تھا کہ ایشین چیمپئن شپ کی ٹیم میں ماریہ طور نے فٹنس کا بہانہ بنا کر شمولیت اختیار نہیں کی۔
فرمان الہی
نماز کے اوقات
