کراچی (اسٹاف رپورٹر) پاکستانی ہاکی ٹیم کے نئے متوقع کوچ ہالینڈ کے 63 سالہ رولینٹاولٹمینز نے اپنی باضابطہ تقریری سے قبل ہی پاکستانی ٹیم کی کوچنگ شروع کردی ذرائع کے مطابق انہوں نے حال ہی میں مسقط میں کھیلے جانے والے تین قومی ہاکی ٹورنامنٹ میں حصہ لینے والی پاکستانی ٹیم کے ساتھ بحیثیت کوچ کھلاڑیوں کی کوچنگ کی پاکستان نے اس ٹورنامنٹ میں چار میچ کھیلے فائنل میں اسے جاپان کے ہاتھوں ناکامی کا سامنا کرنا پڑا۔ اولٹمینز اس سے قبل 2004-2005 میں پاکستانی ٹیم کے کوچ رہ چکے ہیں جس کے دوران انہوں نے پاکستان کے کوچز میں اختلافات پیدا کردیئے تھے۔ بھارت کی ٹیم کے کوچ بھی رہے مگر ناقص کارکردگی کےبنیاد پر بھارتی ہاکی حکام نے انہیں فارغ کردیا تھا۔ اولٹمینز آئندہ چند روز میں پاکستان آکر فیڈریشن کے حکام سے ملاقات کریں گے جس کے بعد وہ اپنی نئی ذمہ داری سنبھال لیں گے۔ ذرائع کا کہنا ہے کہ اولٹمینز کے ساتھ مسقط میں تمام بات چیت مکمل ہوگئی ہے اور انہوں نے پاکستان ہاکی فیڈریشن کی آفر قبول کرلی ہے ۔
فرمان الہی
نماز کے اوقات
