سکھر (بیورو رپورٹ) پولیس نے ایک ہفتہ قبل سکھر سے اغو اہونیوالی لڑکی کو کراچی سے بحفاظت بازیاب کراکر ملزم کو گرفتار کرلیا، لڑکی کے اغوا کا مقدمہ تھانہ سی سیکشن میں اس کے والد اعجاز علی کی مدعیت میں درج تھا۔ ایس ایس پی سکھر امجد احمد شیخ کے مطابق سکھر کے علاقے ریجنٹ سے ایک ہفتہ قبل مسماۃ شیر بانو کو اغوا کیا گیا تھا، جس کی بازیابی کے لئے پولیس کی ایک ٹیم تشکیل دی گئی، جس نے تحقیقات کی تو پتہ چلا کہ لڑکی کو کراچی کے علاقے کورنگی میں رکھا گیا ہے، جس پر سکھر پولیس نے کراچی کے علاقے کورنگی میں کارروائی کرتے ہوئے اغوا کی گئی لڑکی مسماۃ شیر بانو کو بحفاظت بازیاب کرالیا جبکہ اغوا میں ملوث ملزم کاشف کو گرفتار کرلیا، ملزم کے دیگر 2ساتھی فرار ہونے میں کامیاب ہوگئے ہیں، جن کی گرفتاری کے لئے پولیس کی جانب سے کوششیں کی جارہی ہیں اور انہیں بھی جلد گرفتار کرلیا جائیگا۔ بازیاب کرائی جانیوالی لڑکی مسماۃ شیر بانو کو عدالتی کارروائی کے بعد ورثاء کے حوالے کردیا گیا ہے
فرمان الہی
نماز کے اوقات
