کراچی (جنگ نیوز) لاڑکانہ سندھ کا قدیم اور عظیم شہر کہلاتا ہے جہاں عوام کی بڑی تعداد کے علاوہ غیر ملکی سیاح بھی گڑھی خدا بخش اور موہن جو داڑو کے بارے میں تاریخی معلومات جمع کرنے آتے ہیں۔ ”جیو نیوز“ کے پروگرام ”ایک دِن جیو کے ساتھ“ میں ہفتے کو اس تاریخی شہر کی دلچسپ، اہم اور خصوصی معلومات کے علاوہ دلکش مناظر بھی عوام کے سامنے لائے جائیں گے۔ گڑھی خدا بخش میں بھٹو خاندان کے مزارات پر حاضری ، المرتضیٰ ہاؤس ، ہوٹل سامبانا ، ڈپٹی کمشنر لاڑکانہ، اور دریائے سندھ کی سیر کے علاوہ اس شہر کی دیگر خصوصیات بھی پروگرام میں دکھائی جائیں گی۔ سینئر صحافی اور معروف تجزیہ کار سہیل وڑائچ کی میزبانی میں ”ایک دِن جیو کے ساتھ“ کا خصوصی شو ناظرین شام 7 بجکر 5 منٹ پر ملاحظہ کریں گے۔ ٭’جرگہ“ میں سینیٹ کے چیئرمین میاں رضا ربانی سے خصوصی گفتگو ہوگی ۔ شو کے دوران رضا ربانی پاکستان کے موجودہ حالات، اپوزیشن جماعتوں سے پی پی کے تعلقات، کراچی آپریشن اور پیپلزپارٹی کی جانب سے سندھ میں اب تک دکھائی جانے والی کارکردگی کے حوالے سے اپنے خیالات کا اظہار کریں گے۔ سینئر تجزیہ کار اور معروف صحافی سلیم صافی کی میزبانی میں یہ خصوصی انٹرویو ناظرین شب10 بجکر 5 منٹ پر دیکھ سکیں گے۔
فرمان الہی
نماز کے اوقات
