کراچی (اسٹاف رپورٹر) آسٹریلیا میں کھیلے جانے والے کامن ویلتھ گیمز میں پاکستانی ٹیم 5 اپریل کو ویلز کے خلاف مہم کا آغاز کریگی ۔ 7 اپریل کو قومی ٹیم کا مقابلہ روایتی حریف بھارت سے ہو گا۔ ہاکی ایونٹس 5 سے 14 اپریل تک کھیلا جائے گا۔ مینز گروپ اے میں آسٹریلیا، نیوزی لینڈ، کینیڈا، جنوبی افریقا اور اسکاٹ لینڈ، گروپ بی میں پاکستان، بھارت، انگلینڈ، ملائیشیا اور ویلز شامل ہیں۔ 6 اپریل کو انگلینڈ کا مقابلہ ملائیشیا اور نیوزی لینڈ کا کینیڈا سے ہوگا۔ 7 اپریل کو پاکستانی ٹیم روایتی حریف بھارت کے مدمقابل ہوگی، ملائیشیا کا مقابلہ ویلز، کینیڈا کااسکاٹ لینڈ اور آسٹریلیا کا مقابلہ جنوبی افریقا سے ہو گا۔ 8 اپریل کو پاکستانی ٹیم انگلینڈ جبکہ 11اپریل کو اپنا چوتھا اور آخری گروپ میچ ملائیشیا کے خلاف کھیلے گی۔ 13 اپریل کو سیمی فائنلز جبکہ دو ٹاپ ٹیموں کے درمیان فائنل 14 اپریل کو کھیلا جائے گا۔
فرمان الہی
نماز کے اوقات
