فرمان الہی
نماز کے اوقات
قومی اسمبلی میں اپوزیشن لیڈر اور پیپلز پارٹی مرکزی رہنما خورشید شاہ نے بیٹے کی شادی کے موقع پر’ دھوم مچالے‘کے فلمی انداز میں انٹری دے کر حاضرین کو حیران کردیا ۔
خورشید شاہ نے شادی ہال میں ہیوی موٹر سائیکل خود چلاتے ہوئے داخل ہوئے اورانہوں نے دولہے کو پیچھے بیٹھایا ہوا تھا ۔
ہال میں موجود مہمان اور واقعے کی ویڈیو دیکھنے والےبھی حیران رہ گئے ، انہیں 65 سالہ سیاستدان سے ایسی انٹری دینے کی ہرگز توقع نہیں تھی ۔
تاہم خورشید شاہ نے کسی کی پرواہ نہیں کی اور بیٹے کی شادی پر کھل کر خوشی منائی،خورشید شاہ کے صاحبزادے زیرک شاہ کی شادی سابق رکن پارلیمنٹ محمد خان جونیجو کی صاحبزادی سے ہورہی ہے، مہندی کی تقریب میں اہم سیاسی و سماجی شخصیات بھی شریک تھیں۔
ذرائع کا کہنا ہے کہ یہ زیرک شاہ کی خواہش تھی کہ وہ اپنے والد خورشید شاہ کے ہمراہ اسپورٹس بائیک پر مہندی کے مقام تک پہنچیں۔
اس موقع پر اسپورٹس بائیک کو بھی پھولوں سے سجایا گیا تھا، تقریب میں معروف گلوکار راحت فتح علی خان نے بھی اپنی آواز کا جادو جگایا۔
