• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اگلے ہفتے سے راولپنڈی اسلام آباد سمیت بعض علاقوں میں بارش کا امکان

میرا شہر
اسلام آباد
10 مارچ ، 2018
اسلام آباد (اپنے نامہ نگار سے ) محکمہ موسمیات نے اگلے ہفتے سے راولپنڈی اسلام آباد سمیت ملک کے بعض علاقوں میں بارش کی پیشینگوئی کی ہے،پیر سے بدھ کے دوران کوئٹہ، ژوب، لاہور، گوجرانوالہ، ڈی جی خان، ملتان، ساہیوال ڈویژن میں چند مقامات پر ہواوٗں اور گرج چمک کیساتھ بارش کا امکان ہے اس دوران پنجاب اور خیبرپختونخوا کے میدانی علاقوں میں آندھی گرد آلود ہوائیں اور ژالہ باری کا بھی امکان ہے، ، منگل اور بدھ کے دوران خیبرپختونخوا، فاٹا، بالائی پنجاب (راولپنڈی، سرگودھا ڈویژن)، اسلام آباد، کشمیر اور گلگت بلتستان میں کہیں کہیں تیزہواوٗں اور گرج چمک کسیاتھ بارش اور پہاڑوں پربرفباری کی توقع ہے، جمعہ کی رات راولپنڈی، سرگودھا، مالاکنڈ، پشاور، ڈی آئی خان، بنوں، ژوب ڈویژن، اسلام آباد، فاٹا، کشمیر اور گلگت بلتستان میں چند مقامات پر تیز ہواوٰں اور گرج چمک کیساتھ بارش تاہم ہفتہ کو ملک کے بیشتر علاقوں میں موسم خشک رہیگا ،گزشتہ چوبیس گھنٹوں کے دوران بیشتر علاقوں میں موسم خشک رہا تاہم مالاکنڈ، پشاور، کوہاٹ، سرگودھا، راولپنڈی، ڈی جی خان ڈویژن اور بالائی فاٹا میں چند مقامات پر تیز ہواوٗں اور گرج چمک کیساتھ بارش ہوئی۔ گزشتہ روز استور میں درجہ حرارت منفی 2سکردو میں منفی ایک ڈگری سنٹی گریڈ رہا۔
تازہ ترین