کراچی(اسٹاف رپورٹر) سائوتھ ایشن گیمز کے لئے قومی وائٹ ہاکی ٹیم کا تربیتی کیمپ منگل کو بھی جار ی رہا، کھلاڑیوں نے دو مختلف سیشن میں پریکٹس کی۔ ٹیم کے کوچ ریحان بٹ نے جنگ کو بتایا کہ ٹریننگ میں کھلاڑیوں کو پنالٹی شوٹ آئوٹ اور گول کرنے کے ساتھ ساتھ گیند پر کنٹرول کی بھی مہارت دی گئی ہے۔ انہوں نے احسان اللہ اور راشد محمود کو ڈراپ کرنے کی وجہ بتاتے ہوئے کہا کہ احسان اللہ مکمل فٹ نہیں تھا جبکہ راشد محمود نے کیمپ میں تاخیر سے رپورٹ کی اور اس بارے میں کسی کو کوئی اطلاع بھی نہیں دی۔ احسان اللہ اور راشد محمود کے ہیڈ کوچ کے ساتھ جھگڑے کی بات درست نہیں۔ واضح رہے کہ میڈیا میں یہ خبر آئی تھی کہ ڈراپ ہونے والے پلیئرز کا کیمپ کے دوران ہیڈ کوچ محمد ثقلین اور دیگر کوچنگ اسٹاف سے جھگڑا ہوا تھا اور ٹیم انتظامیہ کی رپورٹ پر انہیں ٹیم میں شامل نہیں کیا گیا۔ ڈراپ ہونے والے ایک سینئر کھلاڑی نےمیڈیا کو اپنا نام خفیہ رکھنے پر بتایا تھا کہ کوچز کھلاڑیوں سے بدزبانی کرتے تھے۔ تاہم کوچ نے ان خبروں کو بے بنیاد قرار دیا ہے۔
فرمان الہی
نماز کے اوقات
