• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان 5اپریل کو آصف زرداری کے آبائی علاقے نوابشاہ جائینگے

آج کا اخبار
اہم خبریں
26 مارچ ، 2018
کراچی(اسٹاف رپورٹر) عمران خان نے ایک بارپھرسندھ کا رخ کرنے کا فیصلہ کرلیا،اس باران کی منزل ہوگی سابق صدراورپیپلزپارٹی کے شریک چیئرمین آصف علی زرداری کا آبائی ضلع نوابشاہ،جہاں وہ مختلف اجتماعات سے خطاب کرینگے۔ تحریک انصاف کے سربراہ عمران خان پانچ اپریل کو وائس چیئرمین شاہ محمود قریشی کے ہمراہ ایک روزہ تنظیمی دورے پرنوابشاہ پہنچیں گے وہ سانگھڑبھی جائیں گے جہاں تحریک انصاف کی ضلعی قیادت کے تحت ہونے والے مختلف تنظیمی پروگراموں میں شرکت کریں گے۔ تحریک انصاف سندھ کے رہنما پرعزم ہیں کہ عمران خان کا دورہ نوابشاہ اورسانگھڑ پیپلزپارٹی کیلئے پریشانی کا باعث بنے گا اورتحریک انصاف کے پروگرام کواندرون سندھ پذیرائی بخشنے میں معاون ثابت ہوگا۔
تازہ ترین