• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یوسف رضا گیلانی کی بلاول سے ملاقات

آج کا اخبار
ملک بھر سے
30 مارچ ، 2018
کراچی ( اسٹاف رپورٹر)پاکستان پیپلز پارٹی کے چیئرمین بلاول بھٹو زرداری سے سابق وزیراعظم یوسف رضا گیلانی نے بلاول ہائوس میں ملاقات کی۔ ملاقات کے دوران سیاسی صورتحال اور آئندہ عام انتخابات کے متعلق تبادلہ خیال کیا گیا۔ یوسف رضا گیلانی نے کہا کہ اگر آئندہ عام انتخابات کا انعقاد صاف و شفاف اور آزادنہ ہوا تو پاکستان پیپلز پارٹی سندھ و جنوبی پنجاب سمیت پورے ملک سے سوئیپ کرے گی۔ دریں اثناگھوٹکی پی ایس چھ سے رکن سندھ اسمبلی علی نواز خان مہر نے بھی بلاول ہاؤس میں پی پی پی چیئرمین بلاول بھٹو زرداری سے ملاقات کی۔ ملاقات میں گھوٹکی میں ترقیاتی کاموں اور دیگر امور پر تبادلہ خیال کیا گیا۔ واضح رہے کہحالیہ گھوٹکی پی ایس سات کے ضمنی انتخابات میں علی نواز خان مہر کے بڑے بھائی پی پی پی ایم این اے سردار علی گوہر خان مہر نے پی پی مخالف امیدوار اور فنکشنل مسلم لیگ کے امیدوار کی حمایت کی تھی۔
تازہ ترین