فرمان الہی
نماز کے اوقات
مائیکرو سافٹ نے اپنی ٹرمز آف سروسز کو یکم مئی سے اپ ڈیٹ کرنے کا اعلان کیا ہے، جس کے نتیجے میں ان کے متعدد پلیٹ فارمز پر نازیبا زبان کا استعمال سے آپ کی رکنیت کا خاتمہ ہوجائے گا۔
مائیکرو سافٹ کا یہ اقدام ویڈیو کالنگ ایپ اسکائپ پرخاص طور پر لاگو ہوگاجبکہ کمپنی نے اپنی سروسز میں لوگوں کے برے رویے پر پابندی لگانے کا اعلان کیا ہے اورساتھ ہی فہرست بھی جاری کردی ہے۔
مائیکرو سافٹ کے نئے ضابطہ اخلاق کے مطابق ہماری شرائط کو تسلیم کرنے کی صورت میں آپ ہماری سروسز کے دوران ان اصولوں پر عمل کریں یعنی عوامی سطح پر ڈسپلے یا ہماری سروسز کو نامناسب مواد بشمول عریانیت، بدزبانی، گالم گلوچ، پرتشدد مواد یا مجرمانہ سرگرمیوں کے لیے استعمال نہیں کرسکتے۔
آسان الفاظ میں اپنے پیاروں سے بات کرتے ہوئے آپ کو خیال رکھنا ہے کہ منہ سے ایسا کچھ نہ نکلے، جس پر مائیکرو سافٹ آپ کو اسکائپ سے نکال باہر کرے۔
کمپنی کے مطابق اگر آپ اصولوں کی خلاف ورزی کریں گے تو ہم سروسز کی فراہمی روک سکتے ہیں یا آپ کا مائیکرو سافٹ اکاؤنٹ ختم کرسکتے ہیں۔
اسی طرح ای میل، فائل شیئرنگ یا انسٹنٹ میسج جیسے کمیونیکیشن کی ڈیلیوری بلاک کرسکتے ہیں یا بغیر کسی وجہ کے آپ کے پبلش مواد کو ہٹا سکتے ہیں یا شائع ہونے سےبھی روک سکتے ہیں۔
تاہم یہ واضح نہیں کہ مائیکرو سافٹ یہ تعین کیسے کرے گی کہ کسی صارف نے اصولوں کی خلاف ورزی کرتے ہوئے نازیبا الفاظ استعمال کیے ہیں، اس حوالے سے مبینہ خلاف ورزیوں پر تحقیقات کی جائے گی اور کمپنی کے پاس مسئلے کو حل کرنے کے لیے مواد پر نظرثانی کا حق ہوگا۔
اس سے عندیہ ملتا ہے کہ کمپنی اس وقت حرکت میں آئے گی جب اسے کسی جانب سے شکایت موصول ہوگی۔
