فرمان الہی
نماز کے اوقات
سوشل میڈیا ایپ اسنیپ چیٹ کو گزشتہ چند ماہ سے اپنی ڈیزائن تبدیل کرنے پر جہاں شدید تنقید کا سامنا تھا، وہیں اس نے نئے فیچرز متعارف کرانے سے صارفین کی توجہ حاصل کرنا شروع کردی ہے۔
ڈیزائن کی تبدیلی کے بعد صارفین کی تنقید اور غصے کو کم کرنے کے لیے اب اسنیپ چیٹ نے نئے فیچرز متعارف کرانا شروع کردیے۔
ذرائع کے مطابق اسنیپ چیٹ نے گروپ ویڈیو کال کا فیچر متعارف کرانے سمیت شیئر کی جانے والی پوسٹ میں دوستوں کو ٹیگ یا مینشن کرنے کا بھی فیچر متعارف کرادیا۔
پوسٹ میں دوستوں کو مینشن یا ٹیگ کرنے کے فیچر فیس بک اور انسٹاگرام میں پہلے سے ہی موجود ہیں تاہم اسنیپ چیٹ نے اب انہیں متعارف کروادیا ہےاور اب اسنیپ چیٹ صارف ویڈیو کال گروپ میں ایک ساتھ 16 افراد کے ساتھ بات کرسکتا ہے۔
اسنیپ چیٹ نے وائس کال گروپ میں افراد کی تعداد بڑھادی ، جس کے بعد اب کوئی بھی اسنیپ چیٹ صارف وائس کال میں بیک وقت 32 افراد کو شامل کرسکتا ہے۔
خیال رہے کہ اسنیپ چیٹ کو ڈیزائن تبدیل کرنے پر معروف ماڈل کایل جینر سمیت دیگر شوبز شخصیات نے تنقید کا نشانہ بنایا تھااور ماڈل کی اسنیپ چیٹ کے خلاف کی گئی صرف ایک ٹوئیٹ سےکمپنی کوایک کھرب 30 ارب پاکستانی روپے کا نقصان ہوگیا تھا۔
دوسری جانب اسنیپ چیٹ کی جانب سے ڈیزائن کو تبدیل کرنے کے بعد نئے فیچرز کو متعارف کرائے جانے کے بعد اب خیال کیا جا رہا ہے کہ اب یہ سوشل ایپ مزید نئے فیچر متعارف کرائے گی۔
