• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چترال، تاریخی جشن قاقلشت 12اپریل سے شروع ہوگا

میرا شہر
پشاور
05 اپریل ، 2018
پشاور( وقائع نگار) ٹورازم کارپوریشن و ضلعی انتظامیہ چترال کے باہمی اشتراک سے 2ہزار سال سے ہونیوالا تاریخی جشن قاقلشت 12اپریل سے شروع ہوگا جو کہ 15اپریل تک جاری رہے گا ، اس حوالے سے سیکرٹری سیاحت، ثقافت، کھیل، امور نوجوان محمد طارق کی زیرصدارت اجلاس ہوا جس میں ایڈیشنل سیکرٹری سیاحت بابرخان، ڈپٹی کمشنر چترال ارشاد ، ایم ڈی ٹورازم کارپوریشن مشتا ق احمد خان ودیگر نے شرکت ہے ، جشن قاقلشت میں کھیلوں کے مقابلوں سمیت موسیقی نائٹ ، کلچرل شو ، روایتی کھانوں کے سٹالز ، پولو اور دیگر مقابلوں کا بھی انعقاد کیاجاتا ہے،جشن قاقلشت کا آغاز 12اپریل سے ہوگا جس میں رسہ کشی،خصوصی افراد کیلئے کھیلوں کے مقابلے ، سکیٹ شوٹنگ، میراتھن ریس، والی بال، کرکٹ ، روایتی شوٹنگ ،فٹبال اور پولو سمیت دیگر مقابلے شامل ہیں جبکہ ایونٹ میں موسیقی محفل کا انعقاد 14اپریل کو کیا جائیگا ، جشن قاقلشت کا شمارتاریخ کے پرانے ثقافتی میلوں میں ہوتا ہے ، گزشتہ چند سالوں سے فیسٹیول کااپریل کے مہینے میں باقاعدگی سے انعقاد ہوتا ہے ، جس میں چترال کی ثقافتی موسیقی سمیت یہاںکی ثقافت کو بھی رونما کیا جاتا ہے ، فیسٹیول کے انعقاد کامقصد یہاں کی ثقافت کی رونمائی اور چترال میں سیاحت کو فروغ دینا ہے شندور کی طرح اس ثقافتی میلے میںبھی بیرون ممالک سے کثیر تعدا د میں سیاح چترال کا رخ کرتے ہیں ، محکمہ سیاحت کی بھی کوشش رہی ہے کہ چترال سمیت صوبہ کے دیگر سیاحتی مقامات کو دنیا میں اجاگر کیا جائے اور بیرون ممالک سے سیاحوں کو اس جانب راغب کیا جا سکے ۔
تازہ ترین