وزیراعظم شاہد خاقان آج چینی صدر سے ملاقات اور بائو فورم سے خطاب کرینگے

آج کا اخبار

اہم خبریں

10 اپریل ، 2018

بیجنگ(آئی این پی)وزیراعظم شاہد خاقان عباسی اور چینی صدر شی جن پنگ کے درمیان (آج ) منگل کو ملاقات ہوگی جس میں دوطرفہ تعلقات سمیت دیگر اہم امور پر تبادلہ خیال کیا جائے گا ، وزیراعظم (آج ) باؤ فورم سے بھی خطاب کریں گے ،دونوں سربراہان کی ملاقات دہائیوں پر مشتمل پاک چین دوستی کے تناظر میں دیکھی جارہی ہے۔ وزیراعظم شاہد خاقان عباسی باؤ فورم کی افتتاحی تقریب سے خطاب میں خطے اور بین الاقوامی مسائل کے حوالے سے اپنے ملک کی پوزیشن واضح کریں گے ۔ قبل ازیں چین کے میڈیا کو انٹریو میں وزیراعظم شاہدخاقان عباسی نے کہا کہ چین کا ایک خطہ ایک سڑک منصوبہ دنیا کیلئے امن و ترقی کا پیغام ہے، چین پاکستان اقتصادی راہداری سے دونوں ملکوں کو یکساں فائدہ ہوگا۔ انہوں نے کہا کہ چین پاکستان اقتصادی راہداری سے پاکستان میں اقتصادی ترقی کی رفتار تیز ہوگی۔

تازہ ترین