فرمان الہی
نماز کے اوقات
تحریک انصاف کی رہنما شیریں مزاری کے انداز گفتگو سے آج پھر قومی اسمبلی میں قہقہے گونج اٹھے۔
قومی اسمبلی کے اجلاس کے دوران تحریک انصاف کی رہنما شیریں مزاری نے کہا کہ ن لیگ کی خواتین پیچھےبیٹھیں چوں چوں نہ کریں، ن لیگ کی خواتین چوں چوں کرتی ہیں کام نہیں کرتیں۔
ڈاکٹر شیریں مزاری کےجملے پرارکان کاشور شرابہ شروع ہو گیا۔
اسپیکر ایاز صادق نے شیریں مزاری سے مکالمہ کرتے ہوئے کہا کہ آپ مصیبت کو دعوت دے رہی ہیں۔
اسپیکرایازصدیق کی ہدایت پربولیں ، پیچھے بیٹھی خواتین چوں چوں کررہی ہیں ۔
اسپیکر نے کہا کہ رولنگ دیتا ہوں کہ آپ سمیت خواتین چوں چوں نہیں کرتیں۔
گزشتہ روزبھی قومی اسمبلی کے اجلاس کے دوران ماحول اس وقت دلچسپ ہوگیا جب شیریں مزاری نے روانی میں اسپیکر سردار ایاز صادق کو ’’یار‘‘کہہ دیا، جسے سن کر ایاز صادق سمیت ایوان میں موجود تمام لوگ قہقہے لگانے لگے۔
