سراج الحق نے کراچی کو مسائلستان کا لقب دیدیا

امیر جماعت اسلامی پاکستان سینیٹر سراج الحق نے کراچی کو مسائلستان کا لقب دے ڈالا ہے۔

دورہ کراچی کے موقع پر سراج الحق نے ادارہ نورحق میں پریس کانفرنس کی اور کہا کہ حکمران کراچی کے ساتھ مفتوحہ علاقے جیسا سلوک کررہے ہیں ۔

انہوں نے مزید کہا کہ نادرا سے لے کرتعلیم تک، نامکمل منصوبوں سے لے کر حکومتی ناقص کارکردگی تک کراچی میں مسائل کی بھرمار ہے، ملک کی معاشی شہ رگ کراچی میں بجلی اور پانی میسر نہیں ۔

سینیٹر سراج الحق نے کراچی میں مسائل کے حل کے لیے لائحہ عمل کا اعلان کرتے ہوئے بتایا کہ جماعت اسلامی 20 اپریل کو وزیراعلیٰ ہاوس کا گھیراؤکرے گی جبکہ 27 اپریل کو شہر میں ہڑتال کی جائے گی۔