فرمان الہی
نماز کے اوقات
کراچی (اسٹاف رپورٹر) قائد اعظم ٹرافی کرکٹ ٹورنامنٹ گریڈ ٹو کے پانچویں رائونڈ کے پہلے دن نیشنل اسٹیڈیم کراچی میں لاڑکانہ ریجن کی ٹیم پہلی اننگز میں144رنز بناکر آئوٹ ہوگئی۔ عاشق علی، طارق ہارون اور محمد عمر نے تین تین وکٹ حاصل کئے۔ جواب میں کراچی بلیوز نے چار وکٹ پر 126 رنز بنائے تھے۔ عماد عالم نے64 رنز بنائے۔ ٹی ایم سی گرائونڈ میں حیدرآباد کے خلاف سیالکوٹ ریجن پہلی اننگز میں 318 رنز بناکر آئوٹ ہوگئی۔ منصور امجد نے83 ، نعیم الدین نے68 اور اسامہ میر نے52 ناٹ آئوٹ رنز بنائے۔ نعمان علی نے109 رنز دے کر پانچ وکٹ حاصل کئے۔ ڈرنگ اسٹیڈیم بہاولپور میں کوئٹہ کے خلاف بہاولپور کی ٹیم نے پہلی اننگز میں تین وکٹ پر398 رنز بنائے۔ معین الدین نے 160 ناٹ آئوٹ اورعدیل باسط نے108 ناٹ آئوٹ رنز بنائے۔
