کراچی (اسٹاف رپورٹر) پاکستان ہاکی ٹیم نے ساؤتھ ایشین گیمز میں بھارت کو سنسنی خیز مقابلے میں 1-2 سے شکست دیدی۔فرید احمد ارسلان قادر نے داغ کر پاکستان کو فتح سے ہمکنا رکیا۔ بھارت میں جاری ساؤتھ ایشین گیمز ہاکی ایونٹ میں پاکستا ن نے فتوحات کا سلسلہ جاری رکھتے ہوئے بھارت کو اعصاب شکن مقابلے میں 1-2سے شکست سے دوچار کیا۔ پہلے میں فاتح ٹیم کے فرید احمد جارحانہ انداز اپناتے ہوئے پہلا گول داغا جبکہ دوسرے ہاف میں ارسلان قادر نے روایتی کھیل پیش کرتے ہوئے گیند کو جال کی راہ دکھائی اور پاکستان کے0-2سے سبقت دلائی۔ بعدازں بھارتی کھلاڑی نے میچ کے خسارے کو کم کرتے ہوئے گیند کو پاکستان کے گول پوسٹ تک پہنچایا تاہم پاکستانی پلیئرز نے منظم کھیل پیش کرتے ہوئے بھارتی عزائم کو ناکام بنادیا اورمقررہ وقت میچ کا اسکور 1-2رہا اوراس طرح پاکستان نے ایونٹ میں مسلسل دوسری فتح اپنے نام کرلی۔ اس سے قبل پاکستان نے سری لنکا کیخلاف کامیابی حاصل کی تھی۔
فرمان الہی
نماز کے اوقات
