سکھر (بیورو رپورٹ) آل سندھ انٹر ڈسٹرکٹ بخت علی ڈھوت انٹرڈسٹرکٹ ہاکی چیمپئن شپ میں کراچی، خیرپور، دادو اور لاڑکانہ ڈسٹرکٹ نے سیمی فائنل کے لئے کوالیفائی کر لیا۔ سندھ ہاکی ایسوسی ایشن کے سیکریٹری رمضان جمالی کے مطابق چیمپئن شپ کے کواٹر فائنل مقابلے مکمل ہوگئے، پہلے کواٹر فائنل میں کراچی نے جیکب آباد کو 1کے مقابلے میں4گول سے ہرادیا، کراچی کی جانب سے فرید اور منصور نے دو ، دو گول اسکور کئے۔ خیرپور ڈسٹرکٹ نے شہید بے نظیر آباد (نوابشاہ) ڈسٹرکٹ کو 5-0سے ہرادیا، یاسر مائیکل نے 2، عرفان ڈھوت، شارخ اور ذیشان ملاح نے 1،1گول کیا ۔ دادو ڈسٹرکٹ نے حیدرآباد کو1-0سے شکست دی، میچ کا واحد فیصلہ کن گول علی محمود نے اسکور کیا، جبکہ لاڑکانہ نے سکھر ڈسٹرکٹ کو2-18 سے آئوٹ کلاس کردیا۔ لاڑکانہ کی جانب سے آصف مائیکل نے 5، ماجد نے 4، عاشق نے 3، سکھر کے نعمان نے 2گول اسکور کئے۔
فرمان الہی
نماز کے اوقات
