سکھر (بیورو رپورٹ) آل سندھ انٹر ڈسٹرکٹ بخت علی ڈھوت انٹرڈسٹرکٹ ہاکی چیمپئن شپ میں کراچی اور لاڑکانہ نے فائنل کے لئے کوالیفائی کر لیا۔ سندھ ہاکی ایسوسی ایشن کے جنرل سیکریٹری محمد رمضان جمالی کے مطابق بخت ڈھوت سندھ انٹرڈسٹرکٹ ہاکی چیمپئن شپ کے پہلے سیمی فائنل میں لاڑکانہ نے با آسانی دادو ڈسٹرکٹ کو2-6 سے ہرادیا، لاڑکانہ کی جانب سے آصف ، مائیکل اور زاہد نے2، 2گول اسکور کئے، دادو کی جانب سے عبدالصمد اور سجاد 1،1گول کرنے میں کامیاب ہوئے۔ دوسرے سیمی فائنل میں کراچی نے خیرپور کو سنسنی خیز مقابلے 0-1 سے زیر کیا میچ کا فیصلہ کن گول عمران نے کیا ، فائنل بدھ کو کھیلا جائے گا۔
فرمان الہی
نماز کے اوقات
