فرمان الہی
نماز کے اوقات
پیرس( اے ایف پی ) ٹینس مینز سنگلزرینکنگ میں کروشیا کے مارن کلک نے چوتھی پوزیشن گنوادی، ایک درجے تنزلی نے انہیں پانچویں نمبرپر دھکیل دیا، گریگور دیمیتروف نے ان کی جگہ سنبھال لی۔ ویمنز میں آسٹریلیا کی ایجلا ٹومل جینووک نے 25درجے کی چھلانگ لگا کر 71ویں پوزیشن حاصل کرلی، انہوں نے یہ بلندی گزشتہ دنوں رباط ایونٹ کے فائنل میں رسائل پر حاصل کی، جہاں پر انہیں بلجیم کی الیسی مارٹینز نے شکست دی، الیسی بھی 3سیڑھیاں طے کرتے ہوئے 16ویں نمبر پر آگئیں ، ابتدائی ٹاپ 15 پوزیشنز پر کوئی تبدیلی واقع نہیں ہوئی۔ ٹاپ تھری میں اس بار بھی سیمونا ہالیپ ، کیرولین ووزنیا سکی اور گاربین مگروز اشامل ہیں۔ تفصیلات کے مطابق پیر کو جاری ہونے والی نئی مینز سنگلز رینکنگ میں کروشیا کے مارن ملک نے چوتھی پوزیشن گنوادی، ایک درجے تنزلی نے انہیں پانچویں نمبر پر دھکیل دیا گریگور دیمیتروف نے ان کی جگہ سنبھال لی، کلک کو گزشتہ دن استنبول اوپن کے دوسرے رائونڈ میں شکست پر اس تنزلی کا سامنا رہا، اگرچہ انہیں ایونٹ میں پہلے رائونڈ میں بائی ملی تھی لیکن وہ ترک ایونٹ کے پہلے مقابلے میں مالک جزیری سے ہار گئے تھے، رافیل نڈال بدستور نمبرون، راجرفیڈرر دوسرے اور الیگزینڈر زیوریف تیسرے نمبروں پر براجمان ہیں۔ جاپانی اسٹار کائی نیشکوری ایک درجے بہتری ملنے پر ٹاپ 20پر آگئے۔ ویمنز سنگلزسیمونا ہالیپ بدستور نمبرون ہیں۔ کیرولین ووزنیا سکی دوسرے، گاربین مگروزا تیسرے، الینا سویتو لینا چوتھے، جیلینا اوسٹاپینکو پانچویں، کیرولینا پلسکووا چھٹے، کیرولین گارشیا ساتویں، وینس ولیمز آٹھویں، سلون اسٹیفنز نویں اور پٹیرا کیوٹوا دسویں نمبروں پر ہیں، سلواکیہ کی میگڈیلینا ریبر یکووا نے 2قدم پیچھے ہٹ جانے کے بعد 19ویں نمبر پر رسائی پائی ، کیکی بارٹینز 20 ویں نمبر پر ہیں
