فرمان الہی
نماز کے اوقات
میڈرڈ (اے پی پی) کیرولینا پلسکووا اور جولیا جارجز میڈرڈ اوپن ٹینس ٹورنامنٹ ویمنز ڈبلز پری کوارٹر فائنل میں پہنچ گئیں۔ میڈرڈ اوپن کے سلسلے میں کھیلے گئے ویمنز ڈبلز لاسٹ 32 راؤنڈ میچ میں جمہوریہ چیک کی کیرولینا پلسکووا اور ان کی جرمن جوڑی دار جولیا جارجز نے شاندار کھیل پیش کرتے ہوئے رومانوی کھلاڑی سورانا کرسٹیا اور ان کی اسپینش جوڑی دار سیرا سوربز ٹورمو کو سٹریٹ سیٹس میں 6-3 اور 7-5 سے ہرا کر پری کوارٹر فائنل تک رسائی حاصل کی۔دوسری جانب میڈرڈ اوپن ٹینس ٹورنامنٹ مینز ڈبلز پری کوارٹر فائنل میں مائیکل وینس اور راون کلاسن نے جگہ بنا لی۔ وینس اور کلاسن نے لاسٹ 32 راؤنڈ میچ میں فلورین لوپز اور مارک لوپز پر مشتمل اسپینش جوڑی کو شکست دی۔ میڈرڈ اوپن کے سلسلے میں کھیلے گئے مینز ڈبلز لاسٹ 32 راؤنڈ میچ میں نیوزی لینڈ کے مائیکل وینس اور ان کے جنوبی افریقن جوڑی دار راون کلاسن نے عمدہ کارکردگی کا مظاہرہ کرتے ہوئے فلورین لوپز اور مارک لوپز پر مشتمل اسپینش جوڑی کو سخت مقابلے کے بعد 3-6، 7-5 اور 10-8 سے ہرا کر پری کوارٹر فائنل میں پہنچنے کا اعزاز حاصل کیا۔
