• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیف جسٹس نے وکلاء کی جعلی ڈگریوں کے معاملے پر از خود نوٹس لے لیا

آج کا اخبار
اہم خبریں
11 مئی ، 2018
اسلام آباد (این این آئی)چیف جسٹس آف پاکستان جسٹس میاں ثاقب نثار نے وکلاء کی جعلی ڈگریوں کے معاملے پر از خود نوٹس لے لیا۔چیف جسٹس نے کہا کہ تمام بار کونسلز ایک ماہ میں فوری طور پر عمل کر کے رپورٹ دیں، گزشتہ روز سپریم کورٹ میں مختلف کیسز کی سماعت کے دوران چیف جسٹس نے وکیل رہنما حامد خان سے مکالمے کے دوران کہا کہ آپ یہ بھی دیکھیں کہ کتنے وکلا کی جعلی ڈگری ہے۔ چیف جسٹس نے استفسار کیا کہ وکلا کی ڈگریوں کی تصدیق کرانی چاہیے یا نہیں جس پر حامد خان نے کہا کہ بالکل وکلاء کی ڈگریوں کی تصدیق کرانی چاہیے۔ حامد خان نے کہا کہ بار ایسوسی ایشنز کو کہہ دیں وہ اس معاملے میں ڈیٹا فراہم کردیں جس پر چیف جسٹس نے حامد خان کو کہا کہ آپ نے اس معاملے میں حصہ ڈالنا ہے۔
تازہ ترین