فرمان الہی
نماز کے اوقات
کراچی یونیورسٹی کے شعبہ اپلائیڈ کیمسٹری کے چیئرمین اور ایسوسی ایٹ پروفیسر ڈاکٹر ریاض احمدکراچی میں پراسرار طور پر لاپتہ ہوگئے ۔
جامعہ کراچی کی ٹیچرز ایسوسی ایشن کے صدر ڈاکٹر جمیل کاظمی نے ’جنگ‘ کو بتایا کہ ڈاکٹر ریاض احمد گزشتہ روز 9 بجے کے بعد کراچی یونیورسٹی سے پاکستان ایمپلائیز کواپریٹیو ہاوسنگ سوسائٹی (پی ای سی ایچ ایس) میں واقع اپنے گھر کیلئے روانہ ہوئے تھے مگر گھر نہیں پہنچے۔
اہل خانہ کے مطابق ڈاکٹر ریاض نے گزشتہ رات 8 بجے اپنی اہلیہ سے فون پر رابطہ کیا تھا، کراچی یونیورسٹی کی ٹیچرز ایسوسی ایشن کے صدر جمیل کاظمی کے مطابق ان کی رات 9 بجکر 35 منٹ پر آخری بار ڈاکٹر ریاض سے بات ہوئی، اس وقت وہ یونیورسٹی میں تھے۔ اس کے بعد سے ان کا موبائل فون بھی بند ہے۔
یونیورسٹی ذرائع کے مطابق گزشتہ سال بھی ایک ادارے نے ڈاکٹر ریاض احمد کو حراست میں لیا تھا تاہم کچھ دن بعد انہیں رہا کردیا گیا تھا۔ ان کے خاندان ذرائع _کے مطابق یونیورسٹی حکام نے مبینہ ٹاؤن تھانے میں ان کی گمشدگی کی اطلاع کردی ہے اور اس سلسلے میں متعلقہ داروں سے بھی رابطہ کر رہے ہیں۔
ڈاکٹر ریاض احمد جامعہ کراچی کی انجمن اساتذہ کے سابق سیکریٹری بھی رہے ان کی گمشدگی پر انجمن اساتذہ نے احتجاج کا اعلان کیا ہے اور اس سلسلے میں انجمن اساتذہ نے ہنگامی اجلاس بھی منعقد کیا ہے۔
