کراچی (اسٹاف رپورٹر) ابراہیم التفات نے رینکنگ ٹینس چیمپئن شپ مینز سنگلز کا ٹائٹل حاصل کرلیا۔ لیڈیز ٹائٹل ہانیہ نوید کےنام رہا۔ یونین کلب کراچی میں کھیلی جانے والی چیمپئن شپ کے مینز سنگلز کے فائنل میں ابراہیم التفات اور طلحہ سہیل کے درمیان سخت مقابلہ رہا جس میں ابراہیم التفات نے 7-5 اور 6-2 سے فتح اپنے نام کی۔ لیڈیز سنگلز کے فائنل میں ردا خان نے سیدہ ایرج بتول زیدی کو 6-0 اور 6-0 سے زیر کیا۔ انڈر 15 کے فائنل میں نور مصطفیٰ نے ایم صمد آریجو ، انڈر13 کے فائنل میں ریان سہیل نے ابراہیم نعمان کو شکست دی۔ فائنل تقریب کے مہمان خصوصی شکیل اسلم تھے۔ اس موقع پر خواجہ سعید حئی نےجونیئر کھلاڑیوں کے ریکٹس اور گیندیں جے ٹی آئی کے نئے منتخب کوارڈی نیٹرز عباد سرور، حسین خان اور فرح ریاض کے حوالے کیں۔ ان کے ہمراہ پاکستان ٹینس فیڈریشن کے سیکرٹری خالد رحمانی، سرور حسین، اسلم خان، صفدر عباس، غلام محمد خان، محفوظ الحق، ارم بخاری اور دیگر بھی موجود تھے۔
فرمان الہی
نماز کے اوقات
