• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی تین لڑکیوں سمیت چارافراداغواء

میرا شہر
اسلام آباد
15 مئی ، 2018
راولپنڈی (سٹاف رپورٹر) راولپنڈی،اسلام آبادکے مختلف علاقوں سے تین لڑکیوں سمیت چارافرادکواغواکرلیاگیا۔تھانہ صادق آبادکو خاتون بی بی نے بتایاکہ اس کی بیٹی (ش)عمر 17 سال سوداسلف خریدنے گھر سے گئی جس کو حیدر ، علی شان عرف شانی نے اغواء کر لیا مدعیہ نے پولیس کوبتایاکہ کرن کا بھی اغواءمیں ہاتھ ہے ۔ تھانہ نیوٹاؤن کو ارشد محمود نے بتایا کہ اس کی بیٹی (ح)عمر 22 سال کالج گئی جہاں سے عدیل نذیر ، نبیل احمد ، نازیہ ، محمد فہد ، محمد سفیان ، محمد وسیم نے اسے اغواء کر لیا ۔ تھانہ رمنا کو حارث افضل نے بتایا کہ ملزمان کامل رضا اور مجیب رضا نے مدعی کی بہن (ر) کو اغوا کر لیا۔تھانہ کراچی کمپنی کومحمدنعیم نے بتایاکہ ان کے ملازم عثمان شاہدکونامعلوم ملزموں نے اغواکرلیا۔
تازہ ترین