گوہاٹی ( نمائندہ خصوصی) سائوتھ ایشین گیمز ہاکی ٹورنامنٹ میں گولڈ میڈل حاصل کر نے والی پاکستان وائٹ ہاکی ٹیم اتوار کی شب ایک بجے قطر سے لاہور پہنچے گی۔ کوچ ریحان بٹ نے کہا ہے کہ قومی ٹیم نے اپنی ٹیم کی جیت کو پشاور کے آرمی پبلک اسکول کے طلباء کے نام کردیا ہے۔ انہوں نے کہا کہ کھلاڑیوں نے کامیابی کے بعد ہوٹل میں شکرانے کے نوافل ادا کئے۔ پاکستان ہاکی فیڈریشن کے صدر بریگیڈیئر (ر) خا لد کھوکھر اور سیکریٹری شہباز احمد نے فون پر کھلاڑیوں سے بات چیت کی اور انہیں جیت پر مبارک باددی۔ قومی ٹیم اس جیت کے ساتھ قومی اسپورٹس پالیسی کے مطابق دس لاکھ روپے کے انعام کی حق دار ہوگئی ہے پی ایچ ایف نے بھی کھلاڑیوں کو نقد انعام دینے کا اعلان کیا ہے۔
فرمان الہی
نماز کے اوقات
