فرمان الہی
نماز کے اوقات
لاہور(خبرنگارخصوصی)لاہور ہائیکورٹ نے سابق وزیر اعظم نواز شریف ، ان کی بیٹی مریم نواز اور مسلم لیگ ن کے دوسرےرہنماؤں کی عدلیہ مخالف تقاریر کی نشریات نہ روکنے کیخلاف درخواست پر پیمرا کو نوٹس جاری کر دیئے ہیں۔لاہور ہائیکورٹ کے جسٹس مظاہر علی اکبر نقوی کی سربراہی میں تین رکنی فل بنچ نے سول سوسائٹی کی رکن آمنہ ملک کی متفرق درخواست پر سماعت کی جس میں اس بارے میں نشاندہی کی گئی۔سماعت کے دوران درخواست گزار کے وکیل اظہر صدیق نے نواز شریف کے صحافی سرل المیڈ کو انٹرویو کا مواد بھی پیش کیا لیکن فل بنچ نے وکیل کو باور کرایا کہ یہ مختلف معاملہ ہے،یہ معاملہ عدالت کے سامنے نہیں ہے۔وکیل اظہر صدیق نے کہا پیمرا عدلیہ مخالف تقاریر کو نشر ہونے سے روکنے میں ناکام ہو چکا ہے،پیمرا قوانین کے تحت عدلیہ مخالف تقاریر نشر نہیں کی جا سکتیں، پیمرا کو قوانین پر عمل کرنے کی ہدایت کی جائے۔فل بنچ نے درخواست پر نوٹس جاری کر دیئے۔متفرق درخواست پر مزید کارروائی 24 مئی کو ہوگی۔
