دفتر میں نیند سے چھٹکارا کیسے پائیں؟

01 جون ، 2018

کیا آپ دفتر کے اوقات میں اپنے ذہن کو جگانے کے لئے کافی کے کئی کپ پیتے ہیں یا باس آپ کو اپنے سامنے جمائی لینے سے ٹوکتے ہیں؟اگر ہاں تو آپ کو اس مسئلے کا حل نکالنے کی ضرورت ہےکیونکہ ممکنہ طور پر آگے جا کر آپ کی صحت پر اس کے سنجیدہ اثرات مرتب ہو سکتے ہیں۔

سوال یہ ہے کہ آخر دفتر کے اوقات میں ہی کیوں نیند آتی ہے؟بھارتی میڈیا میں شائع ایک رپورٹ کے مطابق ممبئی کے ایک جنرل ڈاکٹر ہریش ٹولیانے اس سوال کا جواب دیتے ہوئے بتایا کہ انسانی جسم کی اپنی ایک گھڑی ہے جو دن اور رات کے درمیان فرق سے آگاہ کرتی ہے، ایسے افراد جو اپنی رات کی نیند پوری نہیں کرتے یعنی دیر سے سوتے ہیں ، انہیںدفتر کے اوقات میں نیند کے جھٹکے محسوس ہوتے ہیں،دفتر میں نیند آنا جسم کی بے آرامی اور توانائی میں کمی کی نشانی ہے ۔

ماہر کا بتانا ہے کہ نیند کی کمی سے کام پر صحیح طرح توجہ نہیں ہو پاتی جس سے کام میں غلطی کے امکانات بڑھ جاتے ہیں ، چڑچڑاہٹ ہوتی ہے، کام میں دل نہیں لگتا اور بے سکونی کی کیفیت پیدا ہو جاتی ہے، یہاں تک کہ کام کے حوالے سے اپنے آفس کےساتھی سے بھی بلا وجہ تکرار ہو جاتی ہے۔

انہوں نے کہا کہ یہاں یہ سمجھ لینا بہت ضروری ہے کہ اگر آپ کے ساتھ ایسا ہی ہو تا ہے تو اس پر فوری عملکی ضرورت ہے تاکہ آپ کے کام کی کارکردگی متاثر نہ ہو۔

دفتر میں نیند سے نجات کا طریقہ:

ماہر ین کے مطابق کوشش کریں کہ رات کو بھر پور نیند لیں جس کے لئے جلدی سوئیں تاکہ پورے آٹھ گھنٹے کی نیند لے سکیں۔ایک امریکی جرنل میں شائع کئے گئے مطالعے میں کہا گیا ہے کہ نا مکمل نیند دل کی بیماری یا اسٹروک کے امکانات کو دوگنا کر دیتی ہے۔

رات کو پرسکون نیند کے لئے ٹپس:

لیپ ٹاپ اور موبائل فون کو اپنے بستر سے دور رکھیں تاکہ موبوئل کی آواز سے نیند میں خلل نہ آئے، سوشل میڈیا پر ضرورت سے زیادہ وقت گزاری بھی نیند میں کمی کا سبب ہے۔

رات گئےکسی بھی بھاری جسمانی سرگرمی سے اجتناب برتیں، رات کو بتی گل کر کر یا دھیمی کر رکے سوئیں تاکہ راشنی سے نیند پر فرق نہ پڑے۔

خیال رہے روز آپ کے سونے اور جاگنے کے اوقات ایک جیسے ہو نے چاہئے یعنی وقت پر سوئیں، وقت پر جاگیں۔

رات کو بستر پر جانے سے قبل چند اہم کام:

غسل لینا، مراقبہ کرنا، موسیقی سننا، رات کو بستر پر جانے سے پہلے یہ چند اہم کام کرنے سے پر سکون نیند آتی ہے۔

ماہرین مشورہ دیتے ہیں کہ رات کو سونے سے پہلے کوئی بھاری غذا نہ لیں جو ہضم نہ ہو سکے اور رات کے کھانے اور سونے میں کم ازکم دو سے تین گھنٹے کا وقفہ ہونا ضروری ہے۔

تازہ ترین