دبئی (جنگ نیوز) سربیا کی انا آئیوانووچ ، الینا سویتلانااورکیرولین گارشیا نے دبئی ڈیوٹی فری ٹینس چیمپئن شپ میں فاتحانہ آغاز کردیا۔ جبکہ ایکترینا مکاروا،کامیلا گریگوگی اورکیرولین پلسکووا شکست کھا کر ایونٹ سے باہر ہوگئیں۔ ابتدائی راؤنڈ کے میچز میں سربیا کی انا آئیوانووچ نے عمدہ کارکردگی کا مظاہرہ کرتے ہوئے آسٹریلیا کی داریا گاوریلوواکو یکطرفہ مقابلے میں شکست دیدی۔یوکرین کی الینا سویتلانانےسلواکیا کی جانا سیپیلکواور فرانس کی کیرولین گارشیا نےسلواکیا کی انا کیرولینا شیمڈلیواکو شکست دی۔ ادھرکیرولین پلسکوواسنسنی خیز مقابلے میں امریکی پلیئر کوکو وانڈیگھےکے ہاتھوں اپ سیٹ شکست کا سامنا کرنا پڑا۔جرمن پلیئراینڈریا پیٹکووچ نے کا میلا گریگوگی کو ہرا کر ٹائٹل کی دوڑ سے باہر کردیا۔ ویمنزڈبلزکے پہلے راؤنڈ میں ایونٹ میں چین کی ممتاز کھلاڑی ژینگ اورژو وائی فان نے عمان اور بلغاریہ کی جوڑی فاطمہ النبھانی اور کس ویٹانا ، پائرین قوا کیخلاف فتح حاصل کرکے دوسرے مرحلے میں پہنچ گئیں۔
فرمان الہی
نماز کے اوقات
