فرمان الہی
نماز کے اوقات
اسلام آباد (این این آئی)صدر مملکت ممنون حسین کراچی ٗ نگران وزیر اعظم ناصر الملک اسلام آباد، آصف علی زر داری نواب شاہ اور بلاول بھٹو گڑھی خدا بخش اور سابق وزیر اعظم نوازشریف لندن میں عید منائینگے۔ تفصیلات کے مطابق مولانا فضل الرحمان ہر سال اپنے آبائی علاقے ڈیرہ اسماعیل خان میں عید مناتے ہیں اور لوگوں سے ملتے ملاتے ہیں۔ اسفندیارولی اپنے آبائی شہر چارسدہ میں عید منائیں گے، وہ ولی باغ چارسدہ میں کارکنوں سے ملاقات کرینگے۔ چیئرمین پاکستان پیپلزپارٹی بلاول بھٹو نماز عید کے بعد گڑھی خدا بخش بھٹو میں کارکنوں سے ملاقات کرینگے ، وہ پہلی بار گڑھی خدا بخش بھٹو میں پارٹی کارکنوں اور لاڑکانہ کے عوام کے ساتھ ظہرانے میں شرکت کرینگے ۔سابق صدر آصف زرداری نواب شاہ میں عید منائیں گے اور عوام سے ملاقاتیں کرینگے، خور شید شاہ کی اوطاق پر بھی کارکنوں کا استقبال کرنے کی تیاریاں عروج پر پہنچ گئیں ۔ فیصل آباد میں ن لیگی رہنما عابد شیر علی، رانا ثناء اللہ، پی ٹی آئی کے رہنما راجہ ریاض احمد کے ڈیروں پرووٹرز کیلئے عید ملن کی تیاریاں عروج پر پہنچ گئیں۔ مسلم لیگ (ق) کے رہنما چوہدری شجاعت حسین اور چوہدری پرویز الہٰی آبائی شہر گجرات میں عید منائیں گے، گوجرانوالہ میں ن لیگی رہنما خرم دستگیر کے ڈیرے پر سیاسی عید ملن پارٹی کی تیاریاں عروج پر پہنچ گئیں۔ سابق وزیر اعظم یوسف رضا گیلانی اور شاہ محمود قریشی ملتان میں عید منائینگے اور کارکنوں سے ملاقاتیں کرینگے۔علاوہ ازیںسابق نگراں وزیر اعظم محمد میاں سومرو اورسابق وفاقی وزیر میر اعجاز حسین جکھرانی جیکب آبادمیں عید منائینگے جبکہ سابق اسپیکر قومی اسمبلی الٰہی بخش سومرو عید اس بار کراچی میں منائینگے۔
