• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تیراکی میں مہارت کی شیخی، اوکاڑہ میں خاوند نہر میں ڈوب گیا، بیوی ویڈیو بناتی رہی

آج کا اخبار
اہم خبریں
19 جون ، 2018
  اوکاڑہ(مانیٹرنگ سیل) بیوی کے سامنے تیراکی میں مہارت کی شیخی بگھارنے والا شوہر نہر میں ڈوب کر جاں بحق ہوگیا جب کہ بیوی ویڈیو بناتی رہی۔ اوکاڑہ میں عید کی خوشیاں ماتم میں بدل گئیں۔ خوشی کے تہوار پر انتہائی افسوس ناک واقعہ پیش آیا جب بیوی بچوں کے ساتھ پکنک منانے کے لیے آیا ہوا نوجوان نہر میں ڈوب کر جاں بحق ہوگیا۔ نوجوان نے بیوی کو متاثر کرنے کے لیے دعویٰ کیا کہ وہ نہر میں تیر کر دکھائے گا۔ یہ کہہ کر اس نے پانی میں چھلانگ لگادی۔ خاوند نہر میں تیرتا رہا اور بیوی اپنے موبائل سے ویڈیو بناتی رہی لیکن آخرکار وہ اس کے سامنے ہی ڈوب گیا۔ نہر میں ایک مقام پر پانی کا دباؤ بہت تیز ہوگیا جہاں سے وہ نکل نہ آسکا اور ہمت ہارتے ہوئے پانی میں ڈوب گیا۔ یہ واقعہ عید کے پہلے روز پیش آیا اور تین روز گزرنے کے باوجود تاحال لاش نہیں مل سکی ہے۔ 
تازہ ترین