• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

70 سالہ شخص کے ہاتھوں 60سالہ بیوی کا قتل اور خودکشی

تازہ ترین
متفرق
19 جون ، 2018
کراچی: 70 سالہ شخص کی 60 سالہ بیوی کو قتل کرکے خودکشی

کراچی کے علاقے سرجانی ٹاؤن میں مبینہ طور پر شوہر نے فائرنگ کرکے بیوی کو قتل کر دیا۔

پولیس کے مطابق جائے وقوع سے بارہ بور کے تین خول ملے ہیں، جنہیں فارنزک کے لے بھجوادیا گیا ہے،مقتولہ بیوی کی عمر 60 سال سے زیادہ جبکہ مبینہ قاتل شوہر کی عمر 70 سال سے زیادہ تھی ۔

پولیس کے مطابق سرجانی ٹائون کے علاقے یوسف گوٹھ میں دل ہلادینے والا واقعہ پیش آیا جس میں مبینہ طور پر 70 سالہ حاجی ممتاز نے فائرنگ کرکے اپنی 60 سال سے زائد عمر کی مفلوج بیوی حیات بی بی کو قتل کر دیا اور بعد میں خود کو بھی گولی مار کر خودکشی کرلی۔

پولیس کے مطابق دونوں کا ایک بیٹا اپنی دوسری بیوی کے ہمراہ گھر میں رہتا تھا تاہم گھر والوں کے مطابق واقعے کے وقت میاں بیوی گھر میں اکیلے تھے۔

مقتول کے برادر نسبتی فضل کا کہنا تھا کہ واقعے کے وقت گھر میں کوئی نہیں تھا تاہم جب وہ گھر آئے تو میاں بیوی کو ایک ہی کمرے میں مردہ حالت میں پایا۔

جائے وقوع سے پولیس نے تمام شواہد اکٹھے کر لیے ہیں اور میاں بیوی کے رشتہ داروں کے بیانات قلمبند کرکے کارروائی شروع کر دی ہے۔

تازہ ترین