• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جیتنے والی پارٹی سےملکرحکومت بنائیں گے :یوسف رضا گیلانی

میرا شہر
ملتان
20 جون ، 2018
ملتان،سکندرآباد(سٹاف رپورٹر،نامہ نگار)سابق وزیر اعظم سید یوسف رضا گیلانی نے این اے 158 ملتان 5شجا ع آباد سے اپنے کاغذات نامزدگی منظور ہونے کے بعد صحافیوں سے گفتگوکرتے ہوئے کہاکہ جوپارٹی الیکشن جیتے گی اس کے ساتھ ملکر کر حکومت بنائیں گے میرے اوپر اٹھائے جانیوالے اعتراضات پرانے ہیں میری سابق نااہلی پر بھی اعتراضات اٹھائے گئے نواب لیاقت علی خان میرے پینل میں شامل تھے اور ہیں ملتان کا زیادہ حصہ شجاع آبا دمیں شامل ہواہے ہمارے بزرگ یہاں سے الیکشن میں کامیاب ہوتے آئیں ہیں لیڈر شپ یہاں موجود ہو تو پاکستان پیپلز پارٹی کے امیدواروں کے جیتنے کے زیادہ امکانات ہیں ہم نے سرائیکی صوبے کی بات ہم نے کی سرائیکی صوبہ کا نام ہم نے دیا آج حکمران بھی صوبے کی بات کررہے ہیں علاوہ ازیں پیپلز پارٹی شعبہ خواتین ملتان شہر کی صدر عابدہ بخاری نے یوسف رضا گیلانی سے شجاع آباد میں ملاقات کی اور انہیں کاغذات نامزدگی منظور ہونے پر مبارکباد دی بعدازاں ایک بیان میں عابدہ بخاری نے کہا ہے کہ شجاع آباد کے عوام تبدیلی چاہتے ہیں اور انشاء اللہ سید یوسف رضا گیلانی بھاری اکثریت سے کامیاب ہوں گے ۔
تازہ ترین