فرمان الہی
نماز کے اوقات
تحریک انصاف کے سربراہ عمران خان نے اپنی ملک گیر انتخابی میانوالی سے شروع کرنے کا اعلان کردیا ہے ۔
ایک ویڈیو پیغام میں عمران خان نے کہا ہے کہ میانوالی سے الیکشن مہم شروع کرنے کے پیچھے خاص مقصد ہے کیونکہ 2002ء کے انتخابات میں میانوالی کے لوگوں نے مجھے پہلی مرتبہ منتخب کیا ۔
انہوں نے مزید کہا کہ اگر میانوالی کے عوام میرا ساتھ نہ دیتے تو شاید آج سیاست نہ کر رہا ہوتا۔
عمران خان نے یہ بھی کہا کہ میانوالی کے نوجوانوں کی بدولت پی ٹی آئی آج سب سے بڑی جماعت بن چکی ہے اور میانوالی سے انتخابی مہم سے ملک میں تحریک انصاف کی حکومت قائم ہوگی۔
ان کا کہنا ہے کہ اتوار کی شام میانوالی کے ہاکی اسٹیڈیم سے 2018 کی انتخابی مہم کا آغاز کروں گا جس میں میانوالی کی عوام کو شرکت کی دعوت دیتا ہوں۔
عمران خان کا کہنا تھا کہ پاکستان کو وہ ملک بنائیں گے جس کے لیے قائد نے کوشش اور اقبال نے خواب دیکھا اور تحریک انصاف ہی پاکستان کے عظیم خواب کو شرمندہ تعبیر کرے گی۔
