فرمان الہی
نماز کے اوقات
چیف جسٹس آف پاکستان میاں ثاقب نثار نے لاڑکانہ میں چانڈنکا میڈیکل کالج اسپتال میں یورولوجی ڈیپارٹمنٹ کے اطراف کا دورہ کیا ہے۔
یورولوجی ڈیپارٹمنٹ کے لگے اطراف گندگی کے ڈھیر دیکھ کر چیف جسٹس برہم ہوگئے، چیف جسٹس ثاقب نثار نے اس معاملے پر اسپتال انتظامیہ کی سرزنش کی۔
گزشتہ روز چیف جسٹس سپریم کورٹ آف پاکستان جسٹس ثاقب نثار نے سکھر غلام محمد مہر میڈیکل کالج کے ٹیچنگ اسپتال (المعروف سول اسپتال) کا دورہ کیا اور مختلف وارڈز میں مریضوں کو ملنے والی سہولتوں کے حوالے سے ان سے معلومات لیں اور اسپتال میں مریضوں کو دی جانے والی طبی سہولتوں پر عدم اطمینان کا اظہار کیا تھا۔
واضح رہے کہ گزشتہ روز چیف جسٹس پاکستان جسٹس میاں ثاقب نثار کے سندھ کے مختلف اضلاع کے دورے کا شیڈول جاری کیا گیا تھا۔
جاری کردہ شیڈول کے مطابق چیف جسٹس پاکستان میاں ثاقب نثار گزشتہ روز سکھر کا دورہ کر چکے ہیں جبکہ گزشتہ رورز وہ لاڑکانہ کے دورے پر پہنچے تھے۔
ہفتے کو میاں ثاقب نثار منچھر جھیل کے دورے سمیت حیدر آباد ہائیکورٹ بار کے پروگرام میں شرکت کریں گے۔
واضح رہے کہ چیف جسٹس نے ایک ماہ قبل لاڑکانہ اسپتال اور دیگر سہولتوں کو دیکھنے کی خواہش کا اظہار کیا تھا۔
